PANTUN SELOKA ORANG² LAMO, BUKAN TUO-TUO YO.

*

*1.* Omak boli bodak,

        Boli sampai duo,

        Dulu kito budak,

        Nijam ni dah tuo.

*2.* Poi gumah Cino,

        Kojo angkek barang,

        Dulu anak toruno,

        Nijam laki orang.

*3.* Sopuluh ekor koro,

        Logam mcm arang,

        Dulu anak daro,

        Nijam bini orang.

*4.* Makan masak tocu,

        Gulai ikan guwan,

        Dulu jadi cucu,

        Nijam jadi Uwan.

*5.* Kakak anak boranak,

        Pantang jumpo gincu,

        Dulu dukung anak,

        Nijam dukung cucu.

*6.* Bini orang Maran,

        Laki orang Iban,

        Dulu gambut karan,

        Nijam gambut beghuban.

*7.* Tanam pokok pisang,

        Bawah pokok keranji,

        Dulu abang sayang,

        Nijam abang Haji.

*8.* Bini Datuk Minhat,

        Suko ungkit-ungkit,

        Dulu badan sihat,

        Nijam sakit-sakit.

*9.* Dari Sungai Batu,

        Poie Dusun Tuo,

        Dulu jadi Menantu,

        Nijam jadi Mentuo.

*10.* Makan gulai   korang,

          Konyang sampai sobu,

          Dulu mata torang,

          Nijam dah kolabu.